Rukhsat hua to baat meri maan kar gaya
Jo us ke paas tha , woh mujjay daan kar gaya
Bichra kuch is ada se keh rut hi badal gayi
Ik shaks saray shaher ko veeraan kar gaya
Dil'chasp waqiya hai keh kal ik aziz dost
Apnay mufaad par mujhay qurbaan kar gaya
Kitni sudhar gayi hai judai main zindagi
Haan woh jafa se mujh par to ehsaan kar gaya
"Khalid" main baat baat pe kehta tha jis ko jaan
Woh shakhs aakhrish mujhay be'jaan kar gaya
Poet : Khalid sharif
No comments:
Post a Comment