Safar-e-manzil-e-shab yaad nahin
Log rukhsat huay kab yaad nahin
Dil main her waqat chubhan rehti thi
Thi mujhe kis ki talab yaad nahin
Woh sitara thi, ke shabnam thi , ke phool
Ik soorat thi ajab yaad nahin
Bhooltay jate hain maazi ke dayaar
Yaad ayein bhi to sab yaad nahin
Aisa uljha hoon gham-e-diniya main
Ik bhi khwaab-e-turab yaad nahin
Yeh haqeeqat hai keh ehbaab ko hum
Yaad hi kab thay keh ab yaad nahin
Yaad hai shaher-e-chraaghaan nasir
Dil ke bujhney ka sabab yaad nahin
No comments:
Post a Comment