Tumhain kis ne kaha tha ?
Tumhain kis ne kaha tha ?
Dopehar kay garam suraj ki taraf dekho
Aur itni dair dekho
keh beenai pighal jaye
Tumhain kis ne kaha tha ?
Asmaan se toot'ti aandhi , ulajhti bijliyon se
Dosti kar lo
Aur itni dosti kar lo
Keh ghar ka ghar hi jal jaye
Tumhain kis ne kaha tha ?
Aik anjaanay safar main
Ajnabhi raah'ru ke hamraah door tak jayo
Aur itni door tak jaao
Keh woh raasta badal jaye
Poet : Mohsin Naqvi
No comments:
Post a Comment