Udaas logon se pyaar karna koi to seekhay
Safaid lamhon main rang bharna koi to seekhay
Koi to aye khizaan main pattay ugaanay wala
Gulon ki khushboo ko qaid karna koi to seekhay
Koi dekhaye mohabbaton kay saraab mujh ko
Meri nigahon se baat karna koi to seekhay
Koi to aye nayi ruton ka payaam le kar
Andheri raaton main chand banana koi to seekhay
Koi paighambar koi imaam zamaan hi aye
Aseer zehno main soch bharna koi to seekhay
Neelma sarwar
No comments:
Post a Comment