Wafa kay khwaab mohabbat ka asraa le ja
Agar chala hai to kuch mujh se diya le ja
Maqam-e-sood-o-ziyan a gaya hai phir janan
Yeh zakham meray sahi teer to utha le ja
YAhi hai qismat-e-sahara yehi karam tera
Keh boond boond ata kar ghata ghata le ja
Ghroor-e-dost se itna bhi Dil'shakista na ho
Phir uth kay samnay daman-e-iltaja le ja
Nadamatein hon to sar bar-e-dosh hota hai
"Faraz" jin kay Evaz Abroo bacha le ja
No comments:
Post a Comment