Woh dil hi kiya jo tere milnay ki dua na kare
Main tujh ko bhool kar zinda rahoon khuda na kare
Rahay ga saath tera saath zindagi ban kar
YEh aur baat meri zindagi wafa na kare
YEh theek hai nahin marta koi judai main
Khuda kisi ko kisi se juda na kare
Agar wafa pe bhrosa rahay na duniya ko
To koi shakhs mohabbat ka hosla na kare
Suna hai us ko mohabbat duaein deti hai
Jo dil pe chot to khaye magae gila na kare
Bhujha diya naseebon ne mere pyaar ka chaand
Koi siya meri palkon pe ab jala na kare
Zamana dekh chuka hai parkh chuka hai ussay
"Qateel" jaan se jaye par iltajaa na kare
Poet : Qateel Shifai
No comments:
Post a Comment