Woh pichli baarishon main hum
baray nadaan hotay thay
Sabhi ki aankh se bach kar
Puraani kaapiyon se hum
Warq kuch noch letay thay
Hum ik kashti banatay thay
Woh paani par chalatay thay
Hamain lagta tha jaisay hum
Ussi kashti main behtay hain
Woh kashti doob jaati thi
To
Hum bhi doob jaatay thay
Woh kashti paar lagti thi
to
Hum bhi paar lagtay thay
Chalo guzray huye kal kay
Woh pal phir dhoond laatay hain
Puraani kaapiyan le kar
Nai kashti banatay hain
Woh paani par chalatay hain
Chalo phir paar lagatay hain
Ya
Phir doob jatay hain
No comments:
Post a Comment