Yeh hadain na tor dena , meray dairay main rehna
Mujhay apnay dil main rakhna , meray haafzay main rehna
Mera boujh khud uthana ,mera karb aap sehna
Meray zakham baant lena , mere rat'jagay main rehna
Meray manzaron main basna , meri guftagoo main hona
Mere lams main smana , Meray zaiqay main rehna
Mera hukam khud sunana , Meri mehar khud lagana
Meray mashwaray main hona , meray faisalay main rehna
Kabhi dhoop kay nagar main mera saath chor jana
Kabhi mera aks ban kar meray aainay main rehna
Kabhi manzalon ki surat meri dastaras se baahir
Kabhi sang-e-meel ban kar meray raastay main rehna
Meray haath ki lakeerain tera naam ban kay chamkain
Meri khwaishon ki khushboo, meray zaichay main rehna
Poet : Moeen Nizami
No comments:
Post a Comment