Aik ghazal tere liye zaroor likhon ga
Be'hisaab us main tera qasoor likhon ga
Tu guftaar ka maa'hir , Tu kirdaar ka maa'hir
Par husan ko teray tera ghroor likhon ga
Toot gaye bachpan kay tere saray khilonay
Ab dilon se khailna tera dastoor likhon ga
Raha ishq ka dawa tujhay tamaam umar
Wafa ki dehleez se tujhay mafroor likhon ga
Khud shakista jo hai tera judai ka faisala
Aisay her iqdaam ko na'manzoor likhon ga
Hamaray kehnay ki aadat nahin likhnay ka shouq hai
Jazbon ko panay qalam ki taseer likhon ga
Tera wajood mera wajood mujhay ik sa lagay
Par tujhay main khud se bhout door likhon ga
Ek ghazal tere liye zaroor likhon ga
Be'hisaab us main tera qasoor likhon ga
No comments:
Post a Comment