Batayo dil ki baazi main bhala kiya baat gehri thi
Kaha youn to sabhi kuch theek tha magar maat gehri thi
Suno baarish ! kabhi khud se bhi koi barh kay dekha hai
Jawaab aya ! in aankhon ki magar barsaat gehri hai
Suno ! peetam ne holay se kaha tha kiya batayo gay
Jawaab aya ! Kaha to tha magar woh baat gehri thi
Diya dil ka samandar us ne ! tum ne kiya kiya us ko
Hamain bas doob jana tha keh woh soghaat gehri thi
Wafa ka dasht kaisi tha batayo tum pe kiya beeti
Bhatak jana hi tha hum ko wahan par raat gehri thi
Tum us kay zikar par kiyon doobay jaatay ho khyalon main
Rafaqat aur aadat apni us kay saath gehri thi
Nazar aya tumhain us ajnabi main kiya batayo gay ?
Suno ! Qatal nigahon ki woh zaalim ghaat gehri thi
Fakhra Batool
No comments:
Post a Comment