Mohabbat ki aseeri se rihaai maangtay rehna
Bhout asaan nahin hota , judai maangtay rehna
Zara sa ishq kar lena , zara si aankh bhar lena
Iwaz is kay magar sari khudai maangtay rehna
Kabhi mehroom honton par dua ka haroof rakh dena
Kabhi wehshat main us ki na'risaai maangtay rehna
Wafaon kay tasal'sul se mohabbat rooth jaati hai
Kahani main zara si be'wafai maangtay rehna
Ajab hai wehshat-e-jaan bhi keh aadat si ho gayi dil ko
Sakoot-e-shaam-e-gham se hum nawai maangtay rehna
Kabhi bachay ka nanhay haath par titli kay par rakhna
Kabhi phir us kay rangon se rihaai maangtay rehna
No comments:
Post a Comment