Do gharri muyasar ho us ka hamsafar hona
Phir hamain gawara hai apna dar'badar ho
Ik azaab paiham hai aisay dour-e-wehshat main
Zindagi kay chehray par apna chashm-e-tar hona
Ab to us kay chehray main be'pannah cheray hai
Kiya ajab naimat thi warna be'khabar hona
Her nigah ka pathar aur meray baam-o-dar
Shaher-e-be'faseelan main , kiya sitam hai ghar hona
Soch kay parindon ko ik pannah dena hai
Dhoop ki hakoomat main zehan ka shajar hona
Us kay wasal ki saa'at hum pe ayi to jana
Kis gharri ko kehtay hain khwaab main basar hona
Parveen Shakir
No comments:
Post a Comment