Ek husan ki devi se mujhay pyaar hua tha , hay pyaar hua tha

Ek husan ki devi se mujhay pyaar hua tha , hay pyaar hua tha 

Dil us ki mohabbat main giraftaar hua tha 

Ek husan ki devi se mujhay pyaar hua tha , hay pyaar hua tha 

Woh roop keh jis roop se kaliyan bhi lajaein 

Woh zulf keh jis zulf se sharmaaein ghattaein 

Meh'khanay nigahon pe, ada'on kay taraanay 

Day daal mujhay husan-e-mohabbat kay khazanay 

Haan aisi hi ik raat thi 

Aisa hi samaan tha 

Yeh chaand bhi poora tha 

Zamana bhi jawaan tha 

Ek pairr kay saye main jab iqraar hua tha 

Ek husan ki devi se mujhay pyaar hua tha , hay pyaar hua tha 

Kashmir ki wadi kay woh pur'kaif nazaray 

Lamhaat mohabbat kay jahan hum ne guzaray 

Angraa'eiyan lay kar meri baanhon kay saharay 

Gul'naar nazar aatay thay woh sharm kay maaray 

Yak'tarafa na thay husn-o-mohabbat kay ishaaray 

Us ne bhi kai baar mere baal sanwaray 

Ehsaas ka , jazbaat ka izhaar hua tha

Ek husan ki devi se mujhay pyaar hua tha , hay pyaar hua tha 

Kuch roz kattay youn hi bura waqat jab aya 

Us husan ki devi ne bhi nazron ko phiraya 

Ghurbat ne zamanay ki nigahon se giraya 

Aanchal mere haathon se mohabbat ne churraya 

Ek raat ko us ne mujhay sotaa hua choora 

Jaldi woh kahin pyaar ko roota hua choora 

Soya hua main neend se jaaga jo sawairay 

Woh jab na mili chaa gaye aankhon main andheray 

Taqdeer kisi ko bhi buray din na dikhaa'ey

Hotay hain buray waqat main apnay bhi praa'ey

Kiya pyaar ki doulat ka talab'gaar hua tha 

Ek husan ki devi se mujhay pyaar hua tha , hay pyaar hua tha