Woh jo aa jaatay thay aankhon main sitaaray le kar
Jaanay kis dais gaye khwaab hamaray le kar
Chaayon main baithnay wale hi to sab se pehlay
Pair girta hai to aa jaatay hain aaray lay kar
Woh to asooda-e-saahil hain inhain kiya maloom
Ab kay mouj aai to paltay gi kinaaray le kar
Aisa lagta hai keh her mousam-e-hijraan main bahaar
Hont rakh dati hai shaakhon pe tumharay le kar
Sehraa walon ko kahan yaad hai woh khwaab framosh
Phirta rehta tha jo galiyon main ghubaaray le kar
Naqd-e-jaan sarf hua kulfat-e-hasti main faraz
Ab jo zinda hain to kuch saans udhaar le kar
No comments:
Post a Comment