Tu kiyon hai udaas , muskuraa de
Kiyon tujh ko gham-e-wafa ne ghera
Zanjeer-e-alam se door hi reh
Aaina sifaat jamaal tera
Kitni hai siyaah shab ho lakin
Kab chaand par chaa saka hai andhera
Kab moj-e-roshni thami hai
Dariya'on pe dhool kab jami hai
MAin kaisay hansoo keh dard-e-hansi
Hai mera shaa'oor ka taqaza
Halaat ki dhoop meri qismat
Aalaam ki raig meri duniya
Meri saya-e-nakhl ko bhi tarsoon
Sehraa ki tarah wajood mera
Sehraaon main phool kab khiltay hain
Hum dono main kitnay faaslay hain
No comments:
Post a Comment