Meri afsurdagi se parishaan na ho
Tu meri talkhiyon ka sabab to nahin
Teri aankhain to meri hi dam saaz hain
Thein kabhi ajnabi lakin ab to nahin
Tujh ko meri mussarat muqadam sahi
Tera gham mujh ko wajah-e-tarab to nahin
Tera ehsaan hai tu ne mere liye
Apni palkon se raahon kay kaantay chunnay
Khud karri dhoop main reh kay mere liye
Tu ne zulfon kay sha'daab saaye bunnay
Meri khatar zamanay ko pagal kaha
Meri khatar zamanay kay tah'nay sunnay
Tu meri zindagi hai magar jaan-e-mann
Ab woh ishq-o-mohabbat ki rasmain nahin
Meray dil main kai ghaayo aisay bhi hain
Jin ka darmaan teri das'taras main nahin
Ek gham jis ki shiddat hama geer hai
Tere bas main nahin mere bas main nahin
No comments:
Post a Comment