Awal shab woh bazam ki ronaq-e-shamma bhi , parwana bhi
Raat kay aakhir hotay hotay khatam tha yeh afsana bhi
Qaid ko tor kay nikla jab main , uth kay bagolay sath huye
Dasht-e-adm tak jungle jungle , bhaag chala parwana bhi
Haath se sagar kis ne tapka, mousam ki be'kaifi par
Itna barsa toot kay baadal doob chala mah'khana bhi
Laag main husan-o-ishq ki aksar chairr udhar se hoti hai
Shamma ka shola jab lehraya , urr kay chala parwana bhi
Gunchay chup hain , gul hain hawa par kis se kahay dil ka haal
Khaak nasheen ik sabza hai , apna bhi be'gana bhi
Aik lagi kay do hain asar , dono hasb-e-muraatab hain
Lo jo lagaye shamma pari hai , raqs main hai parwana bhi
Dour-e-musarat aarzoo kaisa zal'zala ageen tha
Haath se mun tak aatay aatay choot para paimaana bhi
Poet : Arzoo Lakhnavi
No comments:
Post a Comment