Kon tehra hai is bhaagtay waqat main
Kab ruka hai kabhi gard baad-e-zamaan
Daaman-e-dasht main jaisay raig-e-rawaan
Jo guzar jaye lamha palat'ta nahin
Paniyon par koi naqsh jamta nahin
Ik tahiyur ka malba hai chaaron taraf
Kuch suragh us musafir ka milta nahin
Jo bhi hai is ghubaar-e-shab-o-roz main
Be'sabab , be'talab , be'nishaan , be'gumaan
Kuch bhi aagay nahin , kuch bhi peechay nahin
Aaj hi aaj hai , hai agar kuch yahan
Ayo is pal kay pul par praa'o karain
Kiya khaber hon gay kal , hum kahan , tum kahan
Poet : Amjad Islam Amjad
No comments:
Post a Comment