Shayed us ne mujh ko tanha dekh liya hai
Dukh ne meray ghar ka rasta dekh liya hai
Apnay aap se aankh churaye phirti hoon main
Aainay main kis ka chehra dekh liya hai
Ab bhi sapnay boye to emaan hai us ka
Us ne in aankhon main sehra dekh liya hai
Us ne mujhay dar'asal kabhi chaha hi nahin tha
Khud ko de kay yeh bhi dhoka , dekh liya hai
Us se miltay waqat ka rona kuch fitri thi
Us se bichar janay ka nateeja dekh liya hai
Rukhsat karnay kay adaab nibhaanay hi thay
Band aankhon se us ko jaata dekh liya hai
Parveen Shakir
No comments:
Post a Comment