Aya hai kisi taur, qaza ko na taras aur
Tere baghair beet gaya , aik baras aur
Kuch shah kay kaano main , qaseedon ka ir'ta'aash
Kuch muflis-e-barbaad ka paigham-e-jaras aur
Kuch fitra'tan hai , zaviya-e-soch mukh'talif
Kuch mere aab-o-jad ne , sikhaya hai daras aur
Muddat kay baad shair kahay , to pata chala
Dil ko koi jo'zaam hai, sochon ko baras aur
Khush feh'mi-e-saadiq ka ilaaj-o-dawa yahi
Parnay do abhi aankh main , ibhaam ka rass aur
No comments:
Post a Comment