yeh jo hum apnay hi dil ki madham sadaa se aagey nikal gaye hain

yeh jo hum apnay hi dil ki madham sadaa se aagey nikal gaye hain

sm’metien kho gaye hain ya phir hawa se aagey nikal gaye hain

jali hoi sard ungliyoun se sanam kaday kar diye hain roshan

khuda ke kuch ba’kmaal banday khuda se aagey nikal gaye hain

hum ab kissi azeem chahat ke surkh rastay pe gaamzan hain

muqaam-e- ajar-o-sawaab guzra saza se aagey nikal gaye hain

ae husan ky la’zwaal sooraj tu ab inhien dhoop de ke chaaon

teri mohabbat ky rahii teri ataa se aagey nikal gaye hain

meray liye ab yeh teray sajday ye teray aansoo fazool shay hain

meri tabahii ky silsilay ab dua sey aagey nikal gaye hain

raza-o-tasleem ky  karray imtehaan mein ae khaaliq-e-do-aalam

fraat ke ghasibaoun se teray yeh pyasay aagey nikal gaye hain