Jo mil saki na mujh ko jageer naachti hai
Aankhon main ab bhi teri tasveer naachti hai
Apna bana kay tujh ko ghar to basa loon lakin
Sar pe musafarat ki shamsheer naachti hai
Bach kar nikalna chahon lakin nikal na paaon
Yaadon ki teri her soo tanveer naachti hai
Hum sokhta dilon ka kiya haal poochtay ho
Her roz sar pe koi tazeer naachti hai
Paish-e-nazar hamaray khwaabon ki kirchiyaan hain
Aur aainay ki surat tabeer naachti hai
Aati hai samnay khud manzil tawaaf karti
Jazbay ki jab lahoo main taseer naachti hai
Kiya ho gaya hai tum ko kuch na baatao baabar
Maathay pe kiyon shikan ki zanjeer naachti hai
No comments:
Post a Comment