Ajeeb log hain kiya khoob munsafi ki hai
Hamaray qatal ko kehtay hain khud'kushi ki hai
Yeh baank'pan tha hamara keh zulam par hamain
Bajaaye naal-o-fariyaad shaairy ki hai
Zara se paaon bhigoye thay dariya main
Ghroor yeh hai keh hum ne shanawaari ki hai
Issi lahoo main tumhara safeena doobay ga
Yeh qatal-e-aam nahin . tum ne khud ' kushi ki hai
Hamari qadar karo choudwein kay chaand hain hum
Khud apnay daagh dikhaanay ko roshni ki hai
Udaasiyon ko "Hafeez" aap apnay gharr rakhain
Kiya anjuman ko zaroorat shaguftagi ki hai
No comments:
Post a Comment