Ajeeb si yeh raahatein , yeh chahtain , yeh mohabbatain

Yeh silsalay azaab kay , yeh fasilay , yeh qurbatein 

Ajeeb si yeh raahatein , yeh chahtain , yeh mohabbatain 

Ik lagan ki aag si, yeh tarap kasak hai kiya 

Moal lain azaab aur muft baantain nafratein 

Kisi kay haath main qalam , kisi kay haath main alm

Kisi kay haath main taighzan, Kisi ka tann hai aag main 

Kisi kay sar pe taaj hai , kisi ka sar hai daar pe 

Ajeeb sa hai khouf sa, Yeh wehshatein yeh dehshatein 

Bhaagtay hain mard-o-zan , yeh bachay boorhay kis taraf 

NA koi in ka reh'numa , na raastay na manzilain 

Aye waqat tu zara tehar , zara to thamm kay saans lain 

Yeh khasta haal aadmi , yeh neem jaan auratein