Mujh ko aur kahin jaana tha
bas youn hi rasta bhool gaya tha
Dekh kay teray dais ki rachna
Main ne safar moqoof kiya tha
Kaisi andheri shaam thi us din
Baadal bhi ghir kar chaya tha
Raat ki toofaani baarish main
Tu mujh se milnay aya tha
Maathay pe boondon kay moti
Aankhon main kajal hansta tha
Chaandi ka aik phool galay main
Haath main baadal ka tukra tha
Bheegay kapray ki lehron main
Kundan sona damak raha tha
Baarish ki tirchi galiyon main
Koi chragh liye phirta tha
Bheegi bheegi khamoshi main "Nasir"
Main teray ghar tak aya tha
No comments:
Post a Comment