Bhout muddat se aisa hai keh woh khamosh rehta hai

Bhout muddat se aisa hai

Keh woh khamosh rehta hai

Koi gehra hai gham shayed

Jissay chup chaap sehta hai

Youn hi chaltay huye tanha

Koi gham'geen sa naghma

Woh aksar gun'gunaata hai

Doraan-e-guftagoo youn hi

Milain nazron se jab nazrain

To baatain bhool jaata hai

Kisi gum sum si halat main

Ya phir baarish kay mousam main

Faqat itna hi kehta hai

Udaasi be'waja si hai

Bhout boujhal tabiyat hai

Bhala sach kiyon nahin kehta

Ussay mujh se shikayat hai