Dil-o-nigah pe kis tour kay azaab utray

Dil-o-nigah pe kis tour kay azaab utray 

Woh mahtaab hi utra , na us kay khwaab utray 

KAhan woh rut ki jabeeno pe aftaab utray 

Zamaana beet gaya us ki aab-o-taab utray 

MAin ussay khul kay milon , soch ka hijaab utray 

Woh chahta hai meri rooh ka naqsh utray 

Udaas shab main , kari dopehar kay lamhon main 

Koi chraagh , koi surat-e-gulaab utray 

KAbhi kabhi tere lehjay ki shabnami thandak 

Smaa'ton kay dareechon pe khwaab khwaab utray 

Faseel-e-shaher-e-tamana ki sard baailon par

Tera jamaal kabhi surat-e-shabaab utray 

Teri hansi main naye mousamon ki khushboo thi 

Naveed ho keh badan pe puraanay khwaab utray 

Sapurdagi ka mojassam sawaal ban kar khailon 

Misaal-e-qatra-e-shabnam tera jawaab utray 

Teri tarah meri aankhain bhi mohtabar na rahein 

Safar se qabal hi raaston main woh saraab utray