Hansaya gaya hai , rulaya gaya hai

Hansaya gaya hai , rulaya gaya hai

Hamain her tarah azmaya gaya hai

Smaa'at kiya jaa sakta hai kisi se

Na hum se gham-e-dil sunaya gaya

Bhala aur izzat afzaai kiya ho gi

Bharri anjuman se uthaya gaya hai

Naye rind issay qabil-e-deed samjhain

Hamara jo huliya banaya gaya hai

Mussarat ka ik ik pal zindagi main

Bari khush dili se ganwaya gaya hai

Bachaao bikharnay se yeh aashiyana

Bhout mushkilon se banaya gaya hai

Shaoor, aisay tashreef laye hain goya

Inhain minaton se laya gaya hai