Utar chukay ho samandar main hosla rakhna
Hawa chalay na chalay baad'baan khulay rakhna
Kabhi na jaltay chraghon ka silsala tootay
Jo ik bujhnay lagay saath doosra rakhna
Yeh bhi kamaal hai baarish main bheegtay rehna
Aur apnay jisam ki matti ko bhi bacha rakhna
Hadood-e-zaat kay andar na koi jhaank sakay
Taaluqaat main ik aisa faasla rakhna
Kahin pe dono kinaaray zaroor miltay hain
Bas apnay aap ko dariya main tum bahaa rakhna
No comments:
Post a Comment