Alfaaz kay jhootay bandhan main
Aghraaz kay gehray pardon main
Her shakhs mohabbat karta hai
Hala keh mohabbat kuch bhi nahin
Sab jhootay rishtay naatay hain
Sab dil rakhnay ki baatain hain
Sab asli roop chupaatay hain
Ehsaas se khaali log yahan
Lafzon kay teer chalatay hain
Ik baar nazar main aa kar woh
Phir saari umar rulaatay hain
Yeh ishq-o-mohabbat mahr-o-wafa
Sab rasmi rasmi baatain hain
Her shakhs khudi ki masti main
Bas apni khaatar jeeta hai
No comments:
Post a Comment