Tumhari zindagi main , main kahaan par hoon
Hawa-e-subha main
Ya shaam kay pehlay sitaaray main
Jhijakti boonda baandi main
Keh be'had tez baarish main
Pehli chaandni main
Ya keh phir tapti dohpehron main
Bhout gehray khyalon main
Keh be'has sar'sraati dhunn main
Tumhari zindagi main
MAin kahaan par hoon
Keh ik khawaab-e-mohabbat tootnay
Aur doosra aaghaaz honay kay
Kahin mabain ik be'naam lamhay ki fraaghat
Tumhari zindagi main
Main kahaan par hoon
No comments:
Post a Comment