JAb jab teri raah dekhi jab jab tujhay talaasha

JAb jab teri raah dekhi

Jab jab tujhay talaasha

Jab jab teri sadaa ko pukaara

Loat kar her nazar her sadaa her talaasha

Meray ujjaray aangan main misl-e-khaak

Bikhar gaye

Aur

Faqat itna kaha

Tera mehboob aasmaan ki wusa'aton mainnahin

Zameen ki pa'taal gehraiyon main nahin

Shabnam ki oos qatron main nahin

Sagar kay motiyon main nahin

Haan

Woh tujhay mile ga

Fajar ki thandi hawa main

Asr kay dhaltay suraj main

Shab-e-aakhir kay chragh-e-sehar main

Chaand ki chaandni main

Sawan ki pehli boond main

Woh milay ga tujhay teri apni nigahon main