Kabhi jo tum loat kar aa sako to sang apnay

Kabhi jo tum loat kar aa sako

To sang apnay

Woh madaaratein

Woh rat jagon ki subhain

Woh adhoori si mohabbatain

Woh lahoo lahoo chandani raatain

Woh zakham hoti qurbatain

Woh paniyon pe likhi

Wafa ki daastaan

Woh teray lams ki sar goshiyaan

Woh teri muskaan ki jhil milaati roshniyaan

Woh baad-e-saba ki udaasiyaan

Woh meray aks ki kirchiyaan

Woh lamhon main guzri hui sadiyaan

Woh hashar barpa karti hui

Teri nazron ki mastiyaan

Woh meray qadmon ki larkhraahatein

Woh teri saanson ki dabi dabi si aahatain

Woh meray muqadar ki vasal subhatain

Woh wafa pe lagi tohmatain

La sako to khudara

Letay aana

Main muntazir milon ga

Saahil kay usi kinaaray par

Jahan toot gaya tha

Hamaray rishtay ka

Kacha dhaaga

KAbhi tum loat kar aa sako

Piyaas meri rooh ki jo tum bhujha sako