Khwaab-o-khyaal ko ab mil rahi hai amaan

Khwaab-o-khyaal ko ab mil rahi hai amaan

Na ab woh masti-e-dil hai , na ab woh nasha-e-jaan

Na toot jaye kahin silsala tamana ka

Jo dard-o-dil ka tha rishta ussay bahaal karo

Nahin hai gardish-e-saagar to gardish-e-khoon hai

So apnay gardish-e-khoon se hi kuch sawaal karo

Zara to silsala-e-rang ka khyaal karo

Zawaal-e-haal kay din hain koi kamaal karo

Hai fasal-e-yaas to khud ko koi fraib hi dain

Koi umeed to dilaao keh aarzoo to rahay

NAzar uthay na uthay dil hi kuch tehar jaye

Qadam uthain na uthain koi justagoo to rahay

Ho charcha-e-gham-e-jaan kiya yeh guftagoo to rahay

Keh dil kay haal ko pur'maajra to rakhna hai

Khyal-o-naaz-e-lehaaz-e-ada to rakhna hai

Na peejiye meh-e-hisaar ba'bang-e-ching magar

Kisi kay chasham se kuch silsala to rakhna hai

Jo dil ka khoon hua hai , ussay bhula dain kiya

Hisaab-e-baish-o-kam-e-khoon baha to rakhna hai

Shab-e-daraaz-e-judai hai aarzoo ki hareef

So zakham-e-shouq ko jalta hua to rakhna hai

NA toot jaye kahin silsala tamana ka