Mujhay yaad hai pichlay saal inhi dino main

Mujhay yaad hai

Pichlay saal inhi dino main

Main ne tumhain apnay andar

Saatween baar qatal kar kay waheen kahin

Kisi veeranay main dafan kiya tha

Aur tumhari qabar

Framoshi kay bhaari pathron se bhar di thi

Aur us se pehlay aik baar

Door daraaz se aanay wale kisi dev'hakel

Prinday kay paron se

Tujhay baand kar utha diya tha

Aur phir us se bhi pehlay inhi dino main

MAin ne tumhain mukamal tor par jala kar

Tumhari raakh aik tez raftaar dariya main

Baha di thi

Lakin is saari jaan kahi kay ba'wajood tum aaj phir

Hamesha ki tarah meri aankhon main aankhain dalay

Meray dil ko apni muthi main jakray

Mere samnay kharray ho