Dil main ik tasveer chupi thi , aan basi hai aankhon main
Shayed hum ne aaj ghazal se baat likhi hai aankhon main
Jaisay aik asmaani larki mandar kay darwazay par
Shaam diyon kay thaal sajaye jhaank rahi hai aankhon main
Is romaal ko kaam main laa'on apni palkain saaf karoon
Mayla mayla chaand nahin hai dhool jami hai aankhon main
Parhta ja yeh manzir'nama zard azeem paharon ka
Dhoop khili palkon kay oopar , baraf jami hai aankhon main
Main ne aik noval likha hai aanay wali subha kay naam
Kitni raaton jaaga hoon , neend bharri hai aankhon main
No comments:
Post a Comment