Teray hijar main

Teray hijar main

Meri jaan waqat kat'ta hai youn

Keh main jaatay lamhon ki chaap sunta raha kabhi

Kabhi teri yaadon kay saye dil main ghannay huye

Kabhi aansoo'on ki jharri lagi

Kabhi gham ki aandhi chali

Magar

Yeh chraagh jo teri raah main

Teray muntazir ne jalaye thay

Nahin bujh sakay

Faqat is liye nahin bujh sakay

Keh yeh teray wada-e-wasal par hi jalay thay

So

Teray intizaar main lamha lamha Bakhairtay rahay roshni

Aur ab aisa hai

Inhain andhiyon ka ya aansoo'on ka bahaao

Jaanay se rok sakta nahin