Tum yaad ho to naqsh ho mere hawaas par
Tum aankh ho to mere dukhon ka ilaaj ho
Tum khwaab ho to meri aankhon main ho kahin
Tum weham ho to mujh ko haqeeqat se kiya gharz
Tum baa'iss-e-safar ho , hunar ki uraan ho
Tum neend ho to so kay guzaarain gay yeh hayaat
Tum husan ho to mere takhiyul ki jaan ho
Tum raat ho to mujh ko nahin subha ki talab
Tum noor ban kay dil main samaaiye ho aaj kal
Tum khaak ho to khaakh nasheeno ki ho talaash
Tum dard ho to rooh pe chaye ho aaj kal
Tum dasht ho to main bhi musaafir hoon dasht ka
Tum chaand ho to talkh andheron ki fikar kiya
Tum be'niyaz ho to zamanay se ho alag
Tum rang ho to phir yeh bahaaron ka zikar kiya
Tum be'samar ruton main , bahaaron ki ho umeed
Tum raah'guzar-e-shouq main jazba junoon ka ho
Tum aarzoo ho , ehal-e-tamana ki ho khalish
Tum rut'jagon ki bheer main lamha sakoon ka ho
Tum be'wafa ruton main hawala ho ishq ka
Tum be'basi ho phir bhi moheet-e-hawas ho
Tum ik kiran ho noor-e-azal main dhali hui
Tum taazgi ho , shabnami phoolon ki aas ho
Tum gehray paaniyon main chupay motiyon ka lams
Tum mout kay safar main nishaan-e-hayat ho
Tum meri chashm-e-nam kay sitaaron ki keh'kishaan
Tum husan-e-be'misaal , meri kaainaat ho
Tum jab se ho gaye ho meri dastaras se door
Main jee raha hoon kiyon keh zaroori hai zindagi
Saanson kay boujh ko bhi uthaya hai rooh ne
Lakin tere baghair adhoori hai zindagi
No comments:
Post a Comment