Woh lartay hain
Woh lartay hain
Magar kis kay liye aakhir
Keh jo un ka nahin hai
Khuda janay zameer us ka gawara kis tarah karta hai aakhir
Keh woh kitni dethai se kisi kay haq pe daaka daaltay hain
Aur phir khud ko moaziz jaantay hain
Suna hai woh zameer aisi kisi shay se
Zara bhi waqfiyat tak nahin rakhtay
To us par hairatein kaisi
Yahi khush qismati un ki
Unhain marnay nahin deti
MAgar yeh be'hissi in ki
Hamain kiyon kar staati hai
Keh jab jab sochtay hain hum
Hamari jaan jaati hai
Woh lartay hain
Kisi kay haq pe martay hain
Woh kiyon kar aisa kartay hain
No comments:
Post a Comment