Zindagi ka haasil hain chand sookhay pattay

Zindagi ka haasil hain

Chand sookhay pattay jo

Un raahon pe bikhartay hain

Jin par hum tum chaltay hain

Haathon main thaamay haath

Haath ab woh khaali hain

Meri qismat ki maanind

Raatain bhi ab khaali hain

Meri zulfon ki maanind

Door yeh zardi ho jaye

Chaa jaye her soo nayi bahaar

Tayer bhi jo thak baithay hain

Ho jayen urrnay ko tayaar

Aa jaao agar tum aik baar

Itna bas tum se kehtay hain

Hum thak kar aankahin mond na lain

Faisal , aur kitna intizaar