Raat ko shamma ki maanind pighal kar dekho
Zindagi kiya hai kisi taaq main jal kat dekho
Apnay chehray ko badalna to bhout mushkil hai
Jee behal jaye ga aaina badal kar dekho
Rang bikhrain gay to fariyaad kary gi khushboo
Tum kisi phool ko chutki se masal kar dekho
Jab bhi dekha tumhain ek khwaab ki surat dekha
Ek din paikar-e-tabeer main dhal kar dekho
Zindagi main hai nawaazgi tumhain bhi "nikhat"
Kisi bachay ki tarah tum bhi machal kar dekho
No comments:
Post a Comment