Aaj kal sach poochiye to muskuraata kon hai

Aaj kal sach poochiye to muskuraata kon hai

Khud fraibi hai faqat , hansata hansaata kon hai

Meri neendain urr gayi hain yeh to keh sakta hoon main

Yeh magar mat poochiyea neendain uraata kon hai

Tum nahin aatay na aayo , tum se shikwa bhi nahin

Tum se kehta kon hai , tum ko bulaata kon hai

Tum nahin suntay agar afsaana-e-gham mat suno

Her kas-o-na'kas ko afsaana sunaata kon hai

Is se pehlay bhi kiya hai hum ne un ka aaitabaar

Aisay waday to bhout hotay hain aata kon hai

Un ki mehfil dekhnay ka shouq to hum ko bhi hai

Hum wahaan jaatay , magar hum ko bulaata kon hai

Fitna haye dehar kay "Iqbal" shaaki hain sabhi

In se yeh poochiyea koi fitnay jagaata kon hai