Baraey naam hi sahi koi meharbaan to hai
Hamaray sar pe bhi honay ko aasmaan to hai
Teri faraakh dili ko duaein deta hoon
Meray labon pe teray lams ka nishaan to hai
Yeh aur baat kh woh ab yahaan nahin rehta
Magar yeh us ka basaya hua makaan to hai
ilaawa is kay na kuch aur parda rakh mujh se
Faseel-e-jisam meray teray darmiyaan to hai
Bichar kar zinda nahin reh sakain gay hum dono
Mujhay yeh weham to hai us ko yeh gumaan to hai
Saron pe saya figan abar-e-arzoo na sahi
Hamaray paas saraabon ka sayabaan to hai
No comments:
Post a Comment