Zehar kay ghoont bhi hans hans kay piyea jaatay hain
Hum behar haal saleeqay se jiye jaatay hain
Aik din hum bhi bhout yaad kiyea jayein gay
Chand afsaanay zamanay ko diyea jaatay hain
Hum ko duniya se mohabbat bhi bhout hai lakin
Laakh ilzaam bhi duniya ko diyea jaatay hain
Bazam-e-aghiyaar sahi , azra-e-tanqeed sahi
Shukar hai hum bhi kahin yaad kiyea jaatay hain
Hum kiyea jaatay hain taqleed-e-riwaayaat-e-junoon
Aur khud chaak giribaan bhi seeiyea jaatay hain
Gham ne bakhshi hai yeh mohtaat mizaaji hum ko
Zakham bhi khaatay hain aansoo bhi piyea jaatay hain
Haal ka theek hai "Iqbal" na farda ka yaqeen
Jaanay kiya baat hai hum phir bhi jiyea jaatay hain
No comments:
Post a Comment