Ae ehal-e-wafa daad-e-wafa kiyon nahin detay
Soye huye zakhmon ko jaga kiyon nahin detay
Is jashan-e-chraghan se to behtar thay andheray
In jhootay chraghon ko bhujha kiyon nahin detay
Jis main na koi rang na aahan na khushboo
Tum aisay gulistaan ko jala kiyon nahin detay
Dewaar ka yeh azar suna jaye ga kab tak
Dewaar agar hai to gira kiyon nahin detay
Chehron pe jo daalay huye baithay hain naqaabain
Un logon ko mehfil se utha kiyon nahin detay
Toba ka yahi waqat hai kiya soch rahay ho
Sajday main jabeeno ko jhuka kiyon nahin detay
Yeh jhootay khuda mil kay dabo dain gay safeena
Tum haadi-e-bar haq ko sada kiyon nahin detay
No comments:
Post a Comment