Udaas logon ki bastiyon main
Woh titliyon ko talaash karti
Woh aik larki
Woh gol chehra woh kaali aankhain
Jo karti rehti hazaar baatain
Mizaaj saada woh dil ki achi
Woh aik larki
Woh mohabbat kay nisaab jaanay
Woh jaanti hai ehad nibhaanay
Woh achi dost woh achi saathi
Woh aik larki
Woh jhootay logon ko sacha samjhay
Woh saari duniya ko acha samjhay
Woh kitni saada woh kitni pagli
Woh aik larki
No comments:
Post a Comment