Koi chehra hua roshan na ujaagar aankhain
Aaina dekh rahi thein meri pathar aankhain
Lay urri waqat ki aandhi jinhain apnay ham'raah
Aaj phir dhoond rahi hain woh hi manzar aankhain
Phoot niklain to kai shaher-e-tamana boobain
Ek qatray ko tarasti hui banjar aankhain
Us ko dekha hai to ab shouq ka woh aalam hai
Apnay halkon se nikal ayi hain baahir aankhain
Tu nigahon ki zubaan khoob samjhta ho ga
Teri jaanib to utha karti hain aksar aankhain
Log martay na dar-o-baam se takraa kar kabhi
Dekh letay jo "Kamal" us ki samandar aankhain
No comments:
Post a Comment