Tu lafzon ki tarah mujh se kitabon main mila kar
Logon ka tujhay dar hai tu khwabon main mila kar
Phool ka khushboo se taaluq hai zaroori
Tu mehak ban kar mujh se gulaabon main mila kar
Jissay choo kar main mehsoos kar sakoon
Tu masti ki tarah mujh se sharabon main mila kar
Main bhi insaan hoon , hai dar mujh ko bhi behaknay ka
Es waastay tu mujh se hijaabon main mila kar
No comments:
Post a Comment