Aisay tooti hoon keh choonay se bikhar jaaon gi
Ab agar aur staayo gay to mar jaaon gi
Jo sitam karna hai kar leejiye hum par jaana
Gham ki baarish main to kuch aur nikhar jaaon gi
Kitnay dhokay hain keh khud pe yaqeen jaata raha
Aisa lagat hai keh sach se mukar jaaon gi
Yeh alag baat keh na'kaam mohabbat hoon magar
Tum sanwaaro gay jo mujh ko , to sanwar jaaon gi
Ab mohabbat ki zaroorat hai na jeenay main maza
Mujh ko jeenay ki dua do gay to mar jaaon gi
No comments:
Post a Comment