Aadhi raat kay sapnay shayed jhootay thay
YA phir pehli baar sitaaray tootay thay
Jis din shaher se bhaag kay shaher main ponchi thi
Bhaag bhari kay bhaag usi din phootay thay
Mazhab ki buniyaad pe kiya taqseem hui
Hamsayon ne hamsaye hi lootay thay
Shokh nazar ki chutki ne nuqsaan kiya
Haathon se chaiy kay bartan tootay thay
Oorh kay phirti thi jo naina sari raat
Us resham ki shaal pe yaad kay bootay thay
No comments:
Post a Comment